Лавайн эгшиг

Монголын Бурханы Шашинтны Төв Гандантэгчинлэн хийдийн дэргэдэх “Лавайн эгшиг” радио нь 2008 онд үүсгэн байгуулагдаж, 2010 оноос орон даяар нэвтрүүлгээ цацаж эхэлсэн юм. Тус радиогийн нийтлэлийн бодлого нь үндэсний түүх, соёл уламжлал, орчин цагийн мэдлэг оюуныг нийтэд түгээн хүртээх, нэн ялангуяа Бурханы шашны сургаалд суурилсан ёс суртахууны эрхэм сургаалиар сонсогчдоо соён гэгээрүүлэхэд чиглэгддэг.